Одличен натпревар и убедлива победа постигнаа Французите во дуелот со Швајцарија. За нешто повеќе од 70 минути избраниците на селекторот Дидие Дешамп имаа водство од 5:0, кое до крајот Швајцарија само го намали на 5:2. По двете стартни победи „триколорите“ се пред пласман во осминафиналето.
Ова е како авантура за нас и се гледа дека уживаме на теренот. Кога го постигнав голот помислив на моите најблиски. Задоволен сум од победите, па иако примивме два гола ова беше фантастична победа – истакна стрелецот на вториот гол за Франција Оливие Жиру.
Сите пет голови за француската селекција на вчерашниот натпревар ги постигнаа пет различни играчи.
Во последното трето коло од групата Е Франција на 25.јуни игра против Еквадор во Рио де Женеиро.