Меѓународна научна конференција на тема „Македонија и Балканот 100 години од Првата светска војна – безбедност и евроатлански интеграции“ ќе се одржи во следните два дена во Охрид во организација на Факултетот за безбедност -Скопје.
Над 100 професори и научни работници од земјата и странство ќе презентираат свои трудови и воедно ќе дебатираат на теми поврзани со Македонија и Балканот во контекст на безбедноста и евроинтеграциските процеси.
Панел сесиите на конференцијата се посветени на: Балканот и Македонија во геостратешките концепти на европските држави и интереси, Балканот, националните држави и европската интеграција, Полицијата и меѓуполициската соработка на Балканот, Стопанската и трговската размена на Балканот, Демократија, правна држава, човекови права, нивно унапредување и облици на заштита, Кривична правда, криминална политика и виктимизација и Геополитиката во 21-от век и појавата на нови социо-криминолошки типови на криминал.
На конференцијата ќе учествуваат претставници од Словенија, Хрватска, Бугарија, Србија, Албанија, Црна Гора, Босна и Херцеговина, Романија, Македонија и други земји.
