Нови технологии и компјутерски програми за менаџирање на фарма, предвидува проектот „АГРО – ИТ“ што беше промовиран денеска во Битола. Ќе го спроведува Федерацијата на фармери на Република Македонија (ФФРМ) согласно европските практики.
Проектот паралелно ќе се реализира во седум европски држави.
На денешниот промотивен настан во Битола беше речено дека имплементацијата на оваа новина во Македонија ќе се врши на 15 фарми.
– Со проектот ќе бидат опфатени 15 фарми, од помал обем или мали и средни. Сакаме на земјоделците да им обезбедиме софистицирана технологија и модерна техника за увид и подобрување на квалитетот на производите. Воедно, ќе бидат порентабилни и поефикасни, истакна потпретседателот на ФФРМ Љупчо Станковски.
Учесниците на настанот, земјоделци и фармери, потврдија дека со примена на модерната информатичка технологија ќе ја подобрат својата конкурентност на пазарот. Затоа, посочија, се вклучуваат во овој ЕУ проект.