Во организација на Здружението на микробиолозите на Македонија (ЗММ) и Институтот за микробиологија и паразитологија при Медицинскиот факултет од Скопје, од денеска до 31 овој месец во Охрид ќе се одржува 5-тиот Конгрес на микробиолозите на Македонија со меѓународно учество.
Предвидено е одржување одбрани пленарни предавања, симпозиуми, тркалезни маси, усни и постер-презентации од областа на микробиологијата.
На конгресот ќе учествуваат експерти од сите области на микробиогијата, доктори вклучени во дијагностика, терапија и превенција на инфекции и инфективни болести, како и врвни научни работници.
Најавено е и присутво на експерти од Данска, Португалија, Русија, Совенија, Холандија, Белгија, Бугарија, Косово, Србија, Романија, Велика Британија што тоа е добра можност, велат организаторите, за размена на искуства, но и за презентација на најновите откритија во микробиологијата.