Делегацијата на СДСМ, којашто е во Шведска, во состав на Дамјан Манчевски, потпретседател на СДСМ и Љупчо Николовски, член на Извршниот одбор на партијата вчера попладне се сретна со раководствата на Сојузот на македонски друштва во Шведска и на Македонското друштво Гоце Делчев, во просториите на друштвото во Гетеборг.
На состанокот се разговараше за состојбите во Македонија, начинот на којшто се спроведуваат македонските избори во Шведска, како и за зајакнување на врските на СДСМ со дијаспората од Македонија во оваа земја.
По состанокот се одржа основачки состанок на Партиската организација на СДСМ од дијаспората во Гетеборг. За претседател на организацијата од Гетеборг е избран Вујадин Козомора, социјалдемократски активист во Шведска, иселеник, по потекло од Охрид.