Во организација на општина Карпош и Одделението за спорт и култура при Општината, вчеравечер во Кинотеката на Македонија, беше одбележан големиот празник Св. Кирил и Методиј со ликовна и поетска вечер.
Околу петнаесетина ликовни уметници се претставија со слики, склуптури и графики а вечерта беше зачинета и со пријатни поетски стихови од поетесите Роза Василевска, Вера Симовска, Виолета Сековска и Татијана Дуцкиновска-Петреска и поетите Филип Клетников и Душко Кралевски.
Во рамките на изложбата, отецот Ивица Тодоров пред присутните, го посочи значењето на прославувањето на големиот празник св. Кирил и Методиј и сесловенството, а во пријатните звуци од музичкиот хор „Смирна“ можеа да уживаат љубителите на уметноста и на безвременските поетски стихови.