Шефот на Делегацијата на Европската унија во Босна и Херцеговина, Петер Соренсен денеска изјави дека ЕУ ќе ги вложи сите можни напори и во краткорочна и во долгорочна смисла, за да и помогне на државата да заздрави од катастрофалните поплави.
Соренсен наведе дека БиХ нема да биде оставена сама.
– ЕУ целсно и активно ќе се посвети на пружањето на помош на БиХ со цел да се отстранат краткорочните и долгорочните последици. Веднаш одговоривме на барањето на властите на БиХ кои пристигнаа во Центарот за итни интервенции на Европската комисија, посочи Соренсен.
Тој додаде дека тим на Цивилната заштита на ЕУ е распореден во БиХ, а во моментот службите на ЕК работаат на изработка на пакет помош за БиХ.
– Првиот чекор, секако, е проценка на штетата. ЕУ ќе го продолжи својот активен ангажман во согласност со ситуацијата, потенцира Соренсен.