Манчестер Сити ја победи Астон Вила со убедливи 4:0 и стигна на еден чекор до освојувањето на шампионската титула.
По синоќешната победа „граѓаните“ се искачија на првата позиција на табелата со два бода предност пред Ливерпул, па во последното коло во кое го пречекуваат Вест Хем ќе им треба само бод за шампионска промоција.
Домашните фудбалери сите четири погодока ги постигнаа во второто полувреме. Два пати погоди Един Џеко, а по еднаш во листата на стрелците се запишаа Стеван Јоветиќ и Јаја Туре.
Значајна победа забележа и тимот на Сандерленд. Со триумфот над Вест Бромвич Албион од 2:0, Сандерленд изби на 14.место со 38 бодови и си го обезбеди опстанокот во Премиер лигата.
Табела: Манчестер Сити 83 бода, Ливерпул 81, Челзи 79, Арсенал 76, Евертон 69,…