Екипата на Вашингтон е втората која избори пласман во следната рунда од НБА плеј-офот. Ноќеска на теренот на Чикаго оствари победа со 75:69 и со 4-1 се пласираа во полуфиналето на Источната конференција каде го чекаат поуспешниот од дуелот Индијана – Антланта.
Неизвесноста во дуелите меѓу Мемфис и Оклахома Сити продолжува, па по четврти пат во пет натпревари победникот беше решен по продолжение. Мемфис поведе со 3-2 во добиени натпревари откако славеше со 100:99.
Во продолжението Кевин Дјурант во последните секунди не постигна тројка за победа. Најефикасен кај Мемфис беше Мајк Милер со 21 поен, а на натпреварот Расел Вестбрук со 30 поени.
На третиот натпревар одигран ноќеска ЛА Клиперс го победија Годен Стејт со 113:103 и поведоа со 3-2 во добиени натпревари, а следниот натпревар се игра на теренот на Голден Стејт.
Вечерва се играат три натпревари: Сан Антонио – Далас (2-2 во победи), Торонто – Бруклин (2-2) и Хјустон – Портланд (1-3).