Повеќе од 50 настани ќе бидат организирани за одбележување на 64-от роденден на Европската унија во земјата, со коишто истовремено ќе им се приближи процесот на европска интеграција на граѓаните.
Меѓу настаните кои ќе бидат дел од одбележувањето на 9 мај – Денот на Европа се и традиционалниот Ден на европското знаме, Скопскиот маратон, европскиот хепенинг во Скопје, како и бројни дебати, предавања, натпревари, културни настани и локални прослави кои ќе се одржат низ целата земја.
Во Дебар, Охрид, Гевгелија, Кавадарци, Кочани, Битола, Тетово, Гостивар, Струмица, Крива Паланка и Велес ќе бидат организираат хепенинзи за Денот на Европа со цел да се прослави европската идеа на локално ниво.
Автобусот на ЕУ, повторно ќе патува низ земјата и ќе ги посети Чашка, Центар Жупа, Шемшево, Ростуше, Јосифово, Новаци, Студеничани, Истибања, Зрновци и Старо Нагоричане.
Одбележувањето на Денот на Европа е во организација на Делегацијата на Европската Унија во партнерство со Секретаријатот за европски прашања, Европското движење, амбасадите на земјите-членки на ЕУ и други локални институции.
Во ЕУ Инфо центарот во Скопје денеска амбасадорот Аиво Орав, заменикот на претседателот на Владата Фатмир Бесими и претседателот на Европското движење, професор Милева Ѓуровска, ќе соопштат детали за настаните по повод Денот на Европа.