Дупката од 20.000 гласа во општина Аеродром или разликата помеѓу важечки и неважечки ливчиња и гласачи кои гласале е исправена на официјалната страна на Државната изборна комисија.
Според податоците на ДИК до пред половина час официјалните бројки беа дека излезноста во оваа скопска општина е 99,76 отсто.
Па така ДИК преку бројки илустрилал дека важечки ливчиња се 42.255 а неважечки 1563.
Но на ДИК стоеше дека вкупно во Аеродром гласале 63.818 гласачи.
Неважечките и важечки ливчиња ако се соберат даваат збир 43.818 гласачи или 20.000 помалку.
Откако дел од медиумите напишаа за математиката на ДИК, или 20.000 гласа плус, на официјалната страна беа исправени бројките и 20.000 гласа беа тргнати, па така сега излезноста во Аеродром е 68,49 %, или 43,818 гласачи го искористиле своето право на глас.
Но исправката на ДИК во Аеродром отвора дополнителен проблем. Исправените податоци или анулирањето на 20.000 гласа влијае на вкупната излезност на ниво на Македонија.
Друга индикативна работа која отвара сомнеж се резултатите во Битола која е дел од Изборната единица 4.
На официјалната страна на ДИК стои дека во Битола гласале 1421 гласач а излезноста е 68.61 отсто.
Останува во текот на денот Државната изборна комисија да се изјасни како дошле до 20.000 гласа плус, или станува збор за ненамерна грешка.
Бојан Стојановски