Носителот на листата од Втората изборна единица од СДСМ Петре Шилегов, денеска оставри средба со граѓаните од месната заедница „Тоде Мендол“. Тој презентираше дел од мерките опфатени во програмата на СДСМ.
– Бидејќи „Тоде Мендол“ е урбана заедница презентираме мерки кои се однесуваат на поддршка на малите бизниси. По однос на казнената политика, програмата на СДСМ предвидува преполовување на казните, рече Шилегов.
Како што објасни носителот на листата, инспекцијата нема да има законско право при влегување во објектите да изрекува мандатни казни, туку првин ќе опоменува.
– Втората мерка е општо позната во јавноста, повраток на 15% од ДДВ кон граѓаните. Ќе се враќа квартално на секои три месеци, рече Шиелгов, потенцирајќи дека вкупниот износ што ќе се враќа кон граѓаните ќе изнесува 130 милиони евра.
Пред граѓаните е изборот дали ќе гласаат за државата во која ќе има просперитет за младите и подобрување на општата материјална состојба, рече Шилегов.
Тој ги повика граѓаните масовно да излезат на изборите во недела.