Лидерот на Демократската унија за интеграција, Али Ахмети денеска во седиштето на партијата во Тетово, се сретна со шведскиот амбасадор Матс Стафансон.
Од ДУИ соопштија дека Ахмети и Стафансон разговарале околу парламентарните и претседателските избори, како и за евроатлантската интеграција на Македонија.
Ахмети истакнал дека мнозинството Албанци во Македонија го поддржуваат концептот на Демократската унија за интеграција на 13 април, кој ги докажува нивните политики на права и меѓусебна доверба која е изградена од ДУИ со албанскиот народ.
Консензуалниот концепт ги зближува заедниците и гради доверба меѓу двете поголеми етнички заедници во земјата. Ахмети, исто така, е убеден за убедливата победа на ДУИ на парламентарните избори во 27 април. Оваа победа и легитимноста стекната од страна на албанските гласачи ќе ни служи за реализација на точната изборна платформа на ДУИ и интеграцијата на Македонија во НАТО и ЕУ. Посебно политиката на интеграција е предмет на ДУИ и претставува апсолутен приоритет при формирање на новата влада по изборите на 27 април, стои во соопштението од партијата.
