Носителот на листа за Коалицијата ГРОМ во петтата изборна единица, Љупчо Настоски со кандидатите за пратеници беше во посета на 40 социјално загрозени семејства во Центар Жупа и им поделија социјални пакетчиња, а воедно им ги образложија и решенијата кои ГРОМ ги предлага за оваа категорија граѓани.
„На ваков голем ден, сите треба да застанеме за момент и да помислиме каде сме, со кого сме и што сме направиле. Да помислиме што имаме ние, а што немаат другите и да поделиме барем малку со нив.
– Денеска сме тука со вас, наши пријатели да ви пренесеме дел од нашата верска традиција, затоа што сите ние живееме заедно на едно парче земја и треба да ги знаеме и почитуваме традициите и обичаите на нашите сограѓани од секоја вера и култура“ – рече Настоски на средбата со жители на Центар Жупа.