Тетовчани му се пожалија на претседателот на СДСМ, Зоран Заев, на лошата економска ситуација во државата како и намалувањето на купувната моќ на граѓаните.
Народот нема средства да купува, се помалку луѓе доаѓаат на пазарите. Власта ветува се и сешто а од тоа нема ништо, еве и самите гледате пазарите колку се празни, се пожалија пазарџиите.
„Тешко се живее, а државата се повеќе паѓа во долгови. Тоа мора да се промени. Власта и Груевски не само што фрла пари само на споменици, туку еве гледате и самите влегоа во криминал каде се земени 1.5 милион евра во кеш. Во сите земји кога премиерот е вмешан во ваков криминал си поднесува оставка, а Груевски не само што не сака да поднесе оставка туку и молчи.
Ние сме тие кои можеме и мораме да го спречиме ова што и се случува на Македонија, ова лудило што ја зафати земјата. На државата и се потребни промени за подобро утре на сите граѓани. А за да се променат работите треба да се промени оваа власт.
Македонија мора да стане држава во која ќе владее правдата и законите. Затоа, Ве повикувам на 27-ми масовно да излеземе на гласање и да покажеме дека граѓаните на оваа земја, и Македонци и Албанци, Турци, Роми, Бошњаци, Власи, сите ние заедно сме за промени и за нов почеток на Македонија“, повика претседателот на СДСМ Зоран Заев.
