Носителот на листата на Социјалдемократскиот сојуз на Македонија во петтата изборна единица, Васко Ковачевски денеска во Охрид и Струга ќе оствари средби со граѓани и со охридските бизнисмени, доктори и адвокати на кои ќе им ја презентираат програмата за овие парламентарни избори.
Програмата нуди рамномерен регионален и локален развој, а не како досегашната власт која инвестира само во главниот град во мермери, споменици, жални врби. Охрид и охриѓани заслужуваат повеќе и подобро. Затоа, нашата борба против оваа криминална и корумпирана власт продолжува со нови, чесни и искрени луѓе, со нов концепт и нова визија – изјави Ковачевски од Охрид.
Ковачевски ја искористи приликата на сите христијани да им го честита најголемиот христијански празник Велигден и им посака пријатни празнични денови на сите граѓани.
Ф.Ј.