Палестинскиот претседател Махмуд Абас изрази подготвеност мировните преговори со Израел да се продолжат за девет месеци, под услов да се фокусираат на клучни прашања, како конечен договор за границите меѓу двата народи.
Абас тоа го изјави на состанок со израелски пратеници од Лабуристичката партија на левиот центар во неговото седиште во Рамала, на Западниот брег.
Состанокот е одржан непосредно пред пристигнувањето на специјалниот претставник на САД Мартин Индик во регионот, во обид да се постигне договор за продолжување на преговорите.
Планираниот за синоќа состанокот на израелските и палестинските преговарачи беше откажан по убиството на еден Израелец во вооружен напад во близина на Хеброн на Западниот брег. Портпаролот на Абас изјави дека преговорите ќе продолжат денеска, на барање на САД.
Двете страни кажуваат дека сакаат преговорите да продолжат и бараат начин тоа да го направат. САД ја продолжуваат својата улога на посредник и ги поддржуваат двете страни додека се обидуваат да постигнат договор, изјави портпаролот на американскиот Стејт департмент Мари Харф.