Наредната недела претседателот Ѓорге Иванов е во Брисел .Ќе се сретне со Филе, еврокомесарот за проширување, со претседателот на Европскиот совет, Херман ван Ромппуј, со претседателот на Европскиот парламент, Мартин Шулц, со генералниот секретар на Северноатлантската алијанса, Андерс Фог Расмусен .
Единствено нема да има средба баросо-Иванов. Како што пренесе дописникот на МИА, портпаролката на баросо, п Пиа Аренкилде-Хансен, потврдила дека Баросо во тој период ќе биде во Брисел, но дека поради обемна агенда не ќе може да се сретне со Иванов, ниту со српскиот премиер Ивица Дачиќ, кој во истиот период ќе престојува во европската престолнина.
Теми на разговорите, се македонските евроинтегративни процеси, можноста за нивно деблокирање, тековниот реформски процес во рамки на Пристапниот дијалог на високо ниво и очекувањата на Република Македонија во однос на октомврискиот извештај на Европската комисија.
Како што за МИА, потврдиле од канцеларијата на еврокомесарот Филе, на неговата средба со Иванов се очекува да биде допрена и темата околу кризата во владината коалиција во Македонија, при што, велат, првиот човек за проширување на ЕУ се очекува да ги искаже своите очекувања за мирно решавање на овој проблем.