Арктичкиот мраз делумно се топи секое лето, а во зима повторно се замрзнува. Но, во последните 35 години, сателитските снимки покажуваат дека мразот се топи се повеќе и повеќе.
Рекордна мала количина на мраз е забележана во септември 2007 година. Научниците од Американскиот центар за снег и мраз во Болдер, Колорадо, предупредија дека ова лето мразот на Арктикот се топи толку брзо и во такви количества што речиси повеќе од сигуно е дека површината на мраз ќе биде најмала досега.
Научникот Тед Скамбос за Ројтерс изјави дека новиот рекорд веројатно ќе се случи кон крајот на август, а поларните ледени капи, поради глобалното затоплување, ќе стануваат се помали и помали. Компјутерските проекции покажуваат дека Арктикот би можел да остане целосно без мраз во текот на летата кон крајот на 21- от век, но неодамнешните истражувања покажуваат дека ова би можело да се случи и порано, односно до 2035 година, па и во наредните десет години.
Поточно, во предвид се зема само површинатата која е покриена со мраз, но не и колку мразот е дебел или тенок и според научниците, областа не се смета за замрзната доколку мразот покрива помала површина од 15 проценти.
Сепак, според други пресметки и студии за мерење, кои во предвид ја земаат и дебелината на замрзната морска површина, се открива дека според загубата на волуменот на арктичкиот мраз, тој е 50 проценти поголем отколку што се мислело порано.