ТВ Алсат објави ексклузивна вест дека вечерва премиерот Никола Груевски, по еднодневната посета на Република Српски, се очекува да се сретне со лидерот на ДУИ Али Ахмети.
Тема на разговор според телевизијата ќе бидат односите во коалицијата, по доставување на Законот за бранителите во собраниска процедура.
ДУИ го кажа својот став дека доколку не се прифатат нивните амандмани, и правата освен за бранителите да важат и за членовите и за семејствата на ОНА, сите сценарија се отворени.
Али Ахмети , дознаваме ќе бара денот 13-ти август, кога беше потпишан охридскиот договор да биде државен празник со одлука на Влада и да се вика Ден на загинатите маченици на ОНА.
