Денеска и во Битола ќе се протестира против поскапувањето на струјата и бензините.
Протестот ќе се одржи на 14.08.2012 (вторник) во 18:00 на Фонтана (кај Музејот).
Ќе се маршира по Широк сокак до седиштето на ЕВН (кај Борово) во Битола.
Иницијаторите на овој протест излегуваат со барања до Регулаторната комисија и до ЕВН со следните барања:
• Враќање на цената на струјата на ниво од 2008-ма година.
• Ставката од 33% ангажирана моќност да се укине.
• Воведување на евтина тарифа преку цел ден за социјалните случаи.
• Поголемо субвенционирање од државата на домаќинствата кои користат алтернативни извори на енергија;
• Владата да го поттикне инсталирањето на сончеви колектори кај домаќинствата и кај приватни фирми и да дозволи нивно вклучување во пазарот на струја.
• Поголемо вложување од страна на државата во обновливи извори на енергија.
• Стоп за понатамошна приватизација на енергетскиот сектор.
• Државата да интервенира во изградба на нови енергетски капацитети.
• Забрзана гасификација.
• Транспарентност во работата на Регулаторната комисија за енергетика.
• Се солидаризираме и го поддржуваме правото на граѓаните на Скопје за опцијата исклучување од мрежата на АД „Топлификација“ без да плаќаат за нешто што не го користат.
• Владата да го субвенционира воведувањето на индивидуални регулатори на радијаторите во мрежата на АД „Топлификација“.