Либискиот национален транзициски совет ја предаде власта на новото собрание со што се одбележа мирољубива транзиција. Таа церемонија е прв мирен трансфер на власт во модерната историја на Либија.
Моамер Гадафи ја презеде власта во 1969 година во крвав воен пуч во кој од престолот беше симнат кралот Идрис.
Пред распуштањето на националниот транзициски совет, неговиот претседател Мустафа Абдел Џал одржа говор и рече дека „ги предава уставните надлежности на Генералниот национален конгрес кој од сега е единствен легитимен претставник на либискиот народ“. Новиот конгрес има 200 пратеници избрани на 7 јули.