Новоизбраниот демократски сенатор од Мичиген, Абдул Ел-Сајед, го нарече американскиот претседател Доналд Трамп „идиот, будала и нарцис“, а потпретседателот Џеј Ди Венс го обвини дека свесно му се додворува на Трамп за да стекне политичка моќ.
Ел-Сајед ова го изјави во интервју за емисијата „Mehdi Unfiltered“ на новинарот Мехди Хасан, објавено на платформата „Зетео“ на 6 ноември. Исечок од разговорот повторно се прошири на социјалните мрежи на 16 ноември, пренесува „Clash Report“.
Abdul El-Sayed on Trump and Vance:
Donald Trump is an idiot. He’s a fool, and he’s an essential narcissist.
JD Vance is actually smart. You read his writing and you’re like, that’s an astute analysis.
Every day that JD Vance is sitting there watching Donald Trump do what Donald Trump does, thinking, "Man, this man is a fool and is incoherent, but I’m going to go and praise him anyway because, you know what? I have decided to put my brain and also my soul on a different playing field so that I might be able to get closer to power."
— Clash Report (@clashreport) November 16, 2026
„Доналд Трамп е идиот. Тој е будала и изразен нарцис“, рече Ел-Сајед, коментирајќи го начинот на кој американскиот претседател ја води државата.
За разлика од Трамп, Ел-Сајед смета дека Џеј Ди Венс е интелигентен и способен да ги разбере политичките проблеми, но дека своите способности ги користи за да се приближи до власта.
„Џеј Ди Венс е всушност паметен. Го читате она што го пишува и си помислувате: Ова е прониклива анализа. Можеби не се согласувам со сè, но барем е прониклива“, рече тој.
Ел-Сајед тврди дека американскиот потпретседател добро знае каков е Трамп, но и покрај тоа јавно му се додворува.
„Знаете дека Џеј Ди Венс секој ден го гледа Доналд Трамп и си мисли: Човеку, овој човек е будала и зборува неповрзано. Но, сепак ќе го фалам затоа што одлучив да ги жртвувам разумот и душата за да се приближам до моќта“, изјави Ел-Сајед.
Тој смета дека Венс сега се обидува да ја избегне политичката одговорност за последиците од политиките на Трамп.
„Тоа се случува кога без приговор го поддржувате најглупавиот можен претседател во американската историја, а потоа тој човек ви ја уништува политичката иднина. И одеднаш се обидувате да се преправате дека немате никаква врска со тоа“, рече Ел-Сајед.
Ел-Сајед на изборите на 3 ноември го победи републиканскиот кандидат Мајк Роџерс и стана првиот муслиман избран во американскиот Сенат.
Неговата победа беше дел од пошироките успеси на Демократската партија на меѓуизборите во САД, на кои граѓаните одлучуваа за составот на Конгресот.
За време на кампањата, Ел-Сајед се залагаше за универзално здравствено осигурување, намалување на влијанието на големите донатори врз политиката и промени во американската надворешна политика.
Тој остро го критикуваше Трамп и пред изборите. Кон крајот на октомври, во подкастот на комичарот Хасан Минхај, исто така го нарече идиот и ја обвини неговата администрација за заплашување на политичките противници.
