Товарниот авион на американската компанија UPS и патничкиот авион на панамската компанија „Copa Airlines“ се судрија синоќа на Меѓународниот аеродром во Мајами.
Earlier this evening in Miami, a Copa Airlines 737 and a UPS 767 collided at low speed at the intersection of two taxiways. The Copa 737’s left wing impacted the nose of the UPS jet. No serious injuries have been reported.
https://t.co/AB8C3fwGxu https://t.co/gjY3FIujXx— Flightradar24 (@flightradar24) November 15, 2026
Според противпожарната служба во Мајами, две лица се здобија со полесни повреди и им беше укажана помош на самото место.
Во инцидентот учествувале авион „Боинг 767“ на компанијата UPS и „Боинг 737“ на „Copa Airlines“, а до контакт дошло околу 21:15 часот по локално време, на раскрсницата на две патеки за рулирање.
🚨🇺🇸 UPDATE: Footage reveals damage after UPS and Copa Airlines jets COLLIDE in Miami
Video reportedly taken by a passenger aboard the Copa Airlines aircraft shows visible damage to the front of the UPS cargo plane following their taxiway collision at Miami International Airport.
Initial reports described the incident as a low-speed collision. Officials reported no injuries and no impact on airport operations.
Another day, another incident at an airport leaving passengers stuck on the tarmac. WTF!!
Source: CBS / Writer: Marie https://t.co/bNipTgpH5J
— Mario Nawfal (@MarioNawfal) November 15, 2026
Како што пренесува „Euronews“, повикувајќи се на американскиот медиум „ABC News“, крилото на авионот на „Copa Airlines“, кој се движел кон излезот за патници, удрило во носот на авионот на UPS, кој се подготвувал за полетување.
Грег Чин, директор за комуникации на Меѓународниот аеродром во Мајами, изјави дека противпожарните екипи им укажале помош на две лица со полесни повреди, но немало потреба од нивно префрлање во болница.
Авионите биле пренасочени кон други патеки за рулирање, па инцидентот не влијаел врз редовното функционирање на аеродромот, пренесува „CBS“.
Летот 358 на UPS требало да полета од Мајами за Богота, Колумбија, додека летот 427 на „Copa Airlines“ пристигнал од Панама Сити.
Според информациите од Федералната управа за авијација (FAA), контролорите на летање претходно ѝ дале насоки на екипажот на авионот на UPS да му даде предност на авионот на панамската компанија.
Американската управа за авијација започна истрага за да ги утврди околностите на судирот.