Експлозија на гасовод јужно од сирискиот главен град Дамаск синоќа предизвикала прекин на работата на три електрани, соопшти Сириската електроенергетска компанија (SEC).
Електраните Деир Али, Насирија и Тишрин биле исклучени од мрежата по експлозијата на гасоводот кај електраната Тишрин, поради што бил прекинат дотокот на гас потребен за нивната работа.
BREAKING: A massive explosion on the gas pipeline feeding Syria's Tishreen thermal plant near Damascus Airport has taken three power stations offline, Tishreen, Deir Ali and Al-Nasiriya, per Syria's SANA and Reuters.
Tishreen is southern Syria's largest thermal station and all… pic.twitter.com/MR2ngi4sYo
— The Hormuz Letter (@HormuzLetter) September 30, 2026
„Пожарот што избувна по експлозијата сè уште гори“, соопшти компанијата, додавајќи дека специјализирани тимови работат на санирање на инцидентот кај местото ал-Отајбе, југоисточно од Дамаск.
Прекинот на работата на електраните привремено ќе го намали производството на електрична енергија и ќе ги продолжи рестрикциите поради недостиг на расположливи производствени капацитети. Трите електрани пред исклучувањето обезбедувале околу 60 мегавати за сириската електроенергетска мрежа.
Жителите на Гута, во близина на Дамаск, за ДПА изјавиле дека ја слушнале експлозијата, по што виделе пламен во близина на ал-Отајбе. Според нив, нема повредени, но блискиот пат бил затворен за сообраќај.
Портпаролот на Министерството за енергетика, Абдел Хамид Салат, за државната агенција САНА изјавил дека специјализираните тимови успеале да ги затворат вентилите за гас и да го изолираат оштетениот дел од гасоводот кај електраната Тишрин.