(ВИДЕО) Марш кон Мариб: Армијата пред распад, паѓа ли градот?

Од:

Во тек се жестоки судири меѓу бунтовничките Хути, кои напредуваат, и силите што ја поддржуваат меѓународно признатата влада на Јемен, и тоа на две клучни упоришта во земјата, пренесува денеска Ал Џезира.

Директни судири избувнаа во областа Када, во округот Макбана, недалеку од градот Таиз на југозападот од земјата, а во меѓувреме, според извори на теренот, движењето Ансар Алах, предводено од Хутите, напредува кон стратешки важниот град Мариб на северот, но наидува на силен отпор од јеменските војници.

Ова се првите директни судири по падот на Мока. Владините сили, со поддршка од воздушни напади, водат жестоки борби на фронтот кај Када, додека на двете страни пристигнуваат засилувања, наведува Ал Џезира.

Како што се наведува, владините сили одбиле голем напад на Хутите во областите Ал-Машџа и Ал-Зур, западно од Мариб.

Судири се водат и во близина на стратешки важниот камп Мас, со силна артилериска размена на оган и воздушни напади насочени кон засилувањата на Хутите кои пристигнуваат преку округот Сарвах.

Мариб и Таиз се две главни упоришта на јеменската влада, наведува телевизијата.

Мариб е последното големо нафтено и гасно средиште под контрола на јеменската влада, а таму се наоѓаат клучни воени објекти и служи како главна логистичка база на владата на северот.

Неговиот пад практично би довел до распад на присуството на владата на северот и би им овозможил на Хутите контрола врз преостанатите енергетски ресурси на Јемен, наведува Ал Џезира.

Би можело да ве интересира

Европа договори преговарачки тим за Украина: Пет земји и институциите на ЕУ ќе разговараат со Русија и САД

„Телеграф“: Хутите подготвуваат напад за преземање контрола врз целиот Јемен

(ВИДЕО) Снимен моментот на масакрот во Краков: Напаѓачот имал дозвола за оружје; продолжил да пука и откако бил ранет

Предраг Петровиќ

Расте бројот на жртви во Краков: Напаѓачот носеше воена пушка, во автомобилот криеше цел арсенал оружје

Застрашувачки снимки од Краков: Луѓето бегаат за да спасат жива глава; Напаѓач во воена униформа пукаше врз минувачите

Предраг Петровиќ

Иран ја укина границата од 2.000 км за своите проектили: Што значи ова за Европа?