Претседателката на Европската комисија, Урсула фон дер Лајен, за време на посетата на Гренланд најави пакет финансиска помош во вредност од 200 милиони евра за островот, кој во последните месеци се најде во центарот на интересот на американскиот претседател Доналд Трамп.
„Европа донесе одлука – да биде поприсутна и поангажирана на Гренланд и на Арктикот“, изјави таа на прес-конференција во Нук, главниот град на Гренланд.
Фон дер Лајен денеска ја завршува дводневната посета на Гренланд, кој има статус на автономна територија во составот на Данска.
„Гренланд мора да остане со Европа, а не со Соединетите Американски Држави“, повтори претседателката на Европската комисија за време на посетата, пренесува Франс прес.
