Двајца напаѓачи на мотоцикл пукаа кон петмина скопјани доцна синоќа во скопската населба Дуќанџик.
Пукањето во МВР е пријавено околу 23:30 часот, во близина на раскрсницата на улиците „Прохор Пчински“ и „Војдан Чернодрински“.
Според полицијата, во моментот на нападот Д.Г. (29), А.Џ. (24), К.Б. (36), Е.Б. (25) и А.М. (26), стоеја пред излог на фирма, а пред нив застана мотоцикл на кој имаше две лица.
Од мотоциклот е пукано со огнено оружје кон групата, по што двајцата напаѓачи побегнаа.
Еден од проектилите го погодил А.М (26), кој со возило на Итната медицинска помош е пренесен во Комплексот клиники „Мајка Тереза“, каде што почина.
Од МВР не соопштуваат дали напаѓачите се идентификувани, ниту кој е можниот мотив за убиството.