Соединетите Американски Држави во текот на четири месеци, главно ноќе и во тајност, спроведувале операција за отстранување морски мини од Ормутскиот теснец, користејќи нуркачи на американската морнарица, роботизирани пловила и специјализирани подводни средства, објави денеска „Фајненшел тајмс“ (FT), повикувајќи се на извори запознаени со операцијата.
Операцијата била спроведена откако САД и Израел во февруари го нападнале Иран, а целта била отстранување на една од клучните пречки за продолжување на поморскиот сообраќај низ стратешки важниот теснец.
Според изворите, американските нуркачи во мали тимови, ги лоцирале иранските мини со помош на роботизирани чамци и подводни дронови опремени со сонари со висока резолуција.