Најмалку три лица загинаа во свлечиште што го погоди источниот дел на Кина, додека 10 лица и натаму се водат како исчезнати. Свлечиштето во градот Гаопинг, во округот Суичуан во кинеската провинција Џангси, го предизвикале обилните врнежи што ги донесе тајфунот Саудел, пренесува Асошиејтед прес.
✨🇨🇳A mudslide hit Gaoping Town, Suichuan County, Jiangxi, on Saturday. Rescuers have pulled out three trapped individuals, but two were killed. Ten people are still missing. All remaining residents in the area have been moved to safety. Search and rescue efforts are in… pic.twitter.com/FBtDQRResK
— 🇨🇳XuZhenqing徐祯卿 (@XueJia24682) September 6, 2026
Свлечиштето погодо дел од едно село во округот Суичуан, по што спасувачите итно пристигнале на местото и почнале да ги преместуваат жителите на побезбедно подрачје за да се спречи дополнителна опасност, соопштија локалните власти.
चीन के जियांग्शी प्रांत के गाओपिंग टाउन में शुक्रवार सुबह भारी बारिश के बाद भूस्खलन की घटना सामने आई।#China #Landslide #Jiangxi #TyphoonSaudel #ChinaNews #StateMirrorHindi
China Landslide, Jiangxi Landslide, Gaoping Town Landslide, Heavy Rain in China, Typhoon Saudel pic.twitter.com/rhAlQyAMbx
— State Mirror (@statemirrornews) September 5, 2026
Спасувачите меѓу урнатите куќи пронашле и три безживотни тела, објави државната телевизија CCTV.
Саудел, 18-тиот тајфун што ја погодил Кина оваа година, во четвртокот по третпат стигнал до копното, овојпат во округот Џангпу, во рамките на градот Џангџоу во провинцијата Фуџијан. Поради предупредувањата за силни ветрови и обилни врнежи, беа евакуирани десетици илјади луѓе.
Тајфунот, исто така, погоди околу 128.500 жители во 53 окрузи во соседната провинција Џангси и принуди на итна евакуација речиси 8.700 луѓе во тоа подрачје.
Спасувачките екипи и натаму трагаат по исчезнатите, додека властите преземаат мерки за спречување на дополнителни свлечишта и други последици од невремето.