Експлозии се слушнале во близина на иранскиот остров Харг во Персискиот Залив, објави новинската агенција Фарс.
Потеклото на експлозиите сè уште е непознато.
Островот Харг се смета за клучен нафтен терминал.
Минатата недела, американскиот претседател Доналд Трамп објави видео генерирано од вештачка интелигенција на социјална мрежа на коja се гледаат американските сили како го напаѓаат Харг, со коментар дека островот е „разнесен на парчиња“.
Потоа, извршниот директор на Националната иранска нафтена компанија Хамид Бовард рече дека немало напади и ги нарече најавите на Трамп „смешни“.
Бовард потсети дека американските и израелските сили во минатото повеќепати го бомбардирале овој остров, од каде што потекнуваат околу 90 отсто од иранскиот извоз на нафта, но дека ниту тогаш работните активности не биле прекинати ниту за момент.