Најмалку две лица се повредени во експлозија на главната железничка станица во Аугсбург, Германија, каде што е во тек полициска интервенција.
Инцидентот се случи во преминот во внатрешноста на главната железничка станица во овој град во јужна Германија.
Според германските медиуми, експлодираше предмет кој предизвика полесни повреди, а биле оштетени и прозорци во близина. Засега не е утврдено за каква направа станува збор.
Полицијата соопшти дека зградата на станицата и еден колосек се затворени, додека железничкиот сообраќај на останатиот дел од станицата се одвива со ограничувања. Инцидентот влијаеше и врз јавниот превоз во околината.
Полициската истрага е во тек, а граѓаните се повикуваат да ја избегнуваат областа околу главната железничка станица.