Поради тројното убиство во Даниловград, Владата на Црна Гора ги прогласи 1 и 2 септември за денови на жалост.
„Длабоко сум потресен од денешната трагедија во Даниловград, во која загинаа Петар Глобаревиќ, Момир Радоњиќ и Немања Капор, вработени во стрелиштето „Чешка збројевка“. Во овој тежок момент, упатувам најискрено сочувство до нивните семејства и пријатели и ја споделувам нивната болка“, изјави црногорскиот премиер, Милојко Спајиќ.
Тој рече дека во комуникација со министерот за внатрешни работи, Данило Шарановиќ, и директорот на Управата на полицијата, Лазар Шќепановиќ, добил уверувања оти надлежните органи работат со сите расположливи капацитети за да се расветлат околностите на оваа трагедија и да се лоцира сторителот.
„Очекувам тој што поскоро да биде изведен пред лицето на правдата. Поради денешната трагедија, Владата ќе донесе одлука за прогласување на 1 и 2 септември за денови на жалост, додека почетокот на учебната година во Даниловград ќе се одложи за четврток, 3 септември“ – најави Спајиќ.
