Иранското разузнавање укажува на значителни обиди за манипулирање на енергетските пазари, при што делови од американската влада користат лековерни медиуми за да влијаат на цените за лична корист и да го држат американскиот претседател во „брзата кал на изгубената војна“, изјави денес иранскиот министер за надворешни работи Сејед Абас Аракчи.
– Актери блиски до Израел, исто така, се залагаат за војна, додека даваат претерано оптимистички проценки. Американските потрошувачи ги чувствуваат вистинските последици, напиша тој во објава на социјалната мрежа X.
Аракчи претходно ги повика генералниот секретар на Обединетите нации, Антонио Гутереш, Советот за безбедност и земјите-членки на ОН да ги осудат „едностраните принудни мерки и секундарните санкции на САД против Иран“, кои ги нарече „економски тероризам“.