Еден од најтешките пожари во историјата на Хрватска остави огромна материјална штета во областа од Локва Рогозница до Омиш. Во пожарот се повредени 19 лица, а изгореа бројни куќи, автомобили и чамци.
Главниот пожарникарски командант Славко Тукаковиќ за „Индекс“ утрово изјави дека повеќе нема отворен пламен и дека пожарникарите продолжуваат со гасење на жариштата.
„Зад нас е една исклучително тешка ноќ. Имаме комплицирана ситуација на подрачјето од Локва Рогозница до Омиш. Пожарникарите активно работат на запирање на пожарот“, изјави Тукаковиќ, додавајќи дека станува збор за еден од најтешките пожари во историјата на Хрватска.
#Repost @dalmatinski_portal
Horor u Stanićima: Apokaliptične slike
Požar je načinio golemu štetu pic.twitter.com/GXPucNkTKg— Željko Kisa (@ZeljkoKisa) August 14, 2026
Хрватската пожарникарска заедница соопшти дека пожарот бил пријавен во четвртокот околу 20:15 часот на подрачјето на Локва Рогозница. Огнот зафатил трева, ниска вегетација и борова шума, а поради силниот ветер брзо се ширел и се приближил до објектите.
Поради зголемениот број евакуирани лица отворени се прифатни центри, а во Омиш се наоѓа и десантно-јуришниот тим на Хрватската морнарица, кој е ставен во готовност за евентуален превоз на евакуирани.
Во 6 часот утрово кон пожарот биле упатени четири канадери, но набргу потоа сите биле пренасочени кон Пелешац, каде што исто така избувна голем пожар.
Пожарникарите утрово продолжуваат со догасување и контрола на теренот.