Дрски и безобразни лаги, Владата ги демантира обвинувањата од СДСМ за набавка на водата за Гостивар

Од:

Владата ги отфрли како „невистинити“ и „целосно измислени дезинформации“ обвинувањата што денеска ги изнесе СДСМ во врска со набавката на флаширана вода за граѓаните на Гостивар, оценувајќи дека станува збор за обид за манипулација на јавноста.

Во реакцијата се наведува дека СДСМ, како што тврди Владата, во недостаток на аргументи повторно се служи со искривување на фактите и пласирање неточни информации.

Од Владата повторуваат дека остануваат на ставот оти граѓаните на Гостивар ќе продолжат да добиваат безбедна вода за пиење сѐ додека надлежните институции официјално не потврдат дека водата од градскиот водовод е исправна за употреба.

Во однос на набавката на флаширана вода, Владата потврдува дека постапката со преговарање ја спровела Службата за општи и заеднички работи, а договорот на тендерската постапка го добила компанијата „Кожувчанка“.

Според Владата, набавната цена изнесува 12,5 денари за шише вода од 1,5 литри, што е значително пониско од малопродажната цена, која, како што наведуваат, изнесува најмалку 25 денари. Објаснуваат дека тоа е овозможено поради придонесот на компанијата „Кожувчанка“, која учествувала во набавката со цел да им помогне на граѓаните и институциите за време на кризата.

„Фактите се јасни и лесно проверливи. Обидите за нивно искривување нема да ја променат вистината. Пред фактите паѓа секоја манипулација“, се наведува во реакцијата на Владата, од каде упатија апел СДСМ да престане, како што велат, да пласира невистини.

Би можело да ве интересира

Повторно се пребарува Вардар кај Гостивар: ДЗС ги активираше специјализираните спасувачки тимови

Филипче: Мицкоски да одговори зошто со законски измени се брише одредбата за уплата на 6% во вториот столб?

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

СДСМ: Крпен живот, кошничката се доближи до 71.000 денари – само за храна се потребни 26.000 денари

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка

(ВИДЕО) СДСМ со амандмани бара 2.500 денари повеќе месечно за студентски оброк и стипендии од 8.000 денари