Дејвид Бекам, сопственикот на Интер Мајами, сака да ги обедини Лионел Меси и Кевин де Брујне.
Како што пренесува шпанскиот „Мундо Депортиво“, поранешниот англиски фудбалер повторно го насочил вниманието кон белгискиот ветеран, кој сега е многу позаинтересиран за преселба во Соединетите Американски Држави отколку претходно.
🚨 𝗠𝗔𝗝𝗢𝗥 𝗕𝗥𝗘𝗔𝗞𝗜𝗡𝗚: Inter Miami have renewed their interest in Kevin De Bruyne and the Belgian midfielder now views a move to the MLS more favourably!
Inter Miami wants to pair him with Lionel Messi, Luis Suárez, Casemiro and Rodrigo de Paul.
— @mundodeportivo pic.twitter.com/hcRX302Tdr
— The Touchline | 𝐓 (@TouchlineX) August 2, 2026
Интер покажа интерес за Де Брујне кога тој одлучи да го напушти Манчестер Сити, но тогаш тој се одлучи за Наполи.
Сепак, приказната сега повторно се актуелизираше, а американскиот клуб ги поседува таканаречените „права за откривање“ (discovery rights) во МЛС, односно ексклузивно право први да преговараат со Де Брујне. Токму затоа тие имаат предност пред сите други американски клубови кои исто така се заинтересирани.
Сепак, се прашува и Наполи, клуб со кој Белгиецот има договор за уште една година.
Интер Мајами веќе го доведе Касемиро ова лето. Со ангажирањето на Де Брујне, покрај Лионел Меси и Луис Суарез, Бекам би собрал друштво „ветерани“ во Мајами.