Едно лице е убиено во напад со руски дрон врз минибус во Херсон, изјави денес шефот на регионалната администрација на Херсон, Александар Прокудин.
– Русите нападнаа минибус во областа Корабелни во Херсон со дрон. Човекот почина на лице место откако непријателското беспилотно летало го погоди автобусот, рече Прокудин во објава на социјалната мрежа X, пренесува Укринформ.
Во одделен напад руските сили погодија амбулантно возило во Херсон со дрон, при што беа повредени двајца медицински работници, соопшти воената администрација на градот Херсон на Телеграм.