Владата одлучи: Нема да трошиме време и пари на референдум за европскиот пат

Од:

Владата го отфрли предлогот на лидерот на СДСМ, Венко Филипче, за организирање референдум за европската иднина на државата, оценувајќи дека нема потреба да се трошат време и средства за таква иницијатива.

Од Владата порачаа дека членството во Европската Унија останува јасна стратешка цел на државата и посочија дека тоа, според нив, се потврдува преку конкретни чекори и политики што се спроведуваат во пракса. Како пример ги наведе укинувањето на оценската мисија од Советот на ЕУ и отворањето на фондовите од Реформската агенда за Македонија.

Во реакцијата, Владата потсети и на референдумот од 2019 година, оценувајќи дека тогашниот процес, организиран од СДСМ, бил без гаранции за европската перспектива на државата. Од таму обвинија дека опозициската партија и понатаму покажува попустливост кога станува збор за прашањата поврзани со македонскиот идентитет.

Претходно денеска, Филипче ја повика власта да распише референдум на кој граѓаните ќе се изјаснат за иднината на земјата и европскиот интегративен процес. Според него, одлуките за иднината на државата не треба да ги носи една политичка гарнитура, туку директно граѓаните.

Тој порача дека граѓаните и нивните семејства ќе ги чувствуваат последиците од политиките на Владата и нагласи дека токму затоа тие треба да имаат право сами да одлучат за европскиот пат на државата.

Би можело да ве интересира

Филипче: Мицкоски да одговори зошто со законски измени се брише одредбата за уплата на 6% во вториот столб?

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

СДСМ: Крпен живот, кошничката се доближи до 71.000 денари – само за храна се потребни 26.000 денари

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка

Филипче на Конференција за проширувањето на ЕУ во Унгарија

(ВИДЕО) СДСМ со амандмани бара 2.500 денари повеќе месечно за студентски оброк и стипендии од 8.000 денари