Адвокатот Себастијан Фанти, кој застапува Французинка која беше сериозно повредена во пожар во ноќен клуб во швајцарскиот скијачки центар Кран-Монтана на новогодишната ноќ, изјави дека поднел барање за отштета во вкупна вредност од 8,2 милиони евра во парискиот суд.
„Сакаме два милиони евра како аванс за итни трошоци и преостанатиот износ за остатокот од животот на мојата клиентка“, изјави адвокатот на повредената Французинка.
Фанти рече дека барањето за отштета се базира на прелиминарна пресметка подготвена од експерт.
Меѓу другото, барањето се однесува на надомест за физичкиот интегритет на Французинката и за нејзината загуба на заработка, како и на фактот дека неговата клиентка ќе мора да биде згрижена до крајот на животот.
„Франција ќе ја смета општината и (швајцарскиот) кантон Вале за одговорни, сигурен сум во тоа“, изјави адвокатот.
Адвокатот рече дека застапува вкупно 26 жртви на пожарот во Кран-Монтана и нивните роднини.
Во пожарот што избувна на новогодишната забава во ноќниот клуб „Констелејшн“ во Кранс-Монтана загинаа 41 лице, а 115 беа повредени.