Заменик-министерот за надворешни работи на Иран се закани поради можноста за распоредување британски и француски воени бродови во Ормутскиот теснец.
„Секое распоредување и стационирање на разорувачи околу Ормутскиот теснец, под изговор „заштита на поморскиот сообраќај“, не е ништо повеќе од ескалација на кризата“, објави тој на социјалните мрежи.
Тој додаде дека „присуството на француски и британски воени бродови во Ормутскиот теснец, кои би можеле да учествуваат во нелегални и меѓународно незаконски дејствија од страна на САД, ќе биде дочекано со итен и решителен одговор“.
Британското Министерство за одбрана вчера објави дека го испраќа разорувачот HMS Dragon на Блискиот Исток како подготовка за евентуална мултинационална мисија за заштита на превозот во Ормутскиот теснец, кога условите ќе бидат соодветни.
Обединетото Кралство и Франција во последните денови беа вклучени во плановите за враќање на безбедното минување на трговските бродови низ овој клучен воден пат. Планот би барал координација со Иран, а десетина земји досега изразија подготвеност да учествуваат.