Претседателот на иранскиот парламент, Мохамад Багер Калибаф, денеска изјави дека откривањето на нов „ракетен град“ од страна на Воздухопловните сили на Иранската револуционерна гарда испраќа јасна порака до непријателите на Иран.
„Овој ракетен град е дел од патот кон воспоставување трајно одвраќање – изградено преку одбранбена подготвеност, континуиран напредок и национално единство – и тој останува врежан во умовите на непријателите“, рече Калибаф, како што пренесува „Иран интернешнал“ (Iran International).
Обраќајќи им се на земјите што му се закануваат на Иран со воена акција, Калибаф ги предупреди да не прават погрешни проценки, додавајќи дека Техеран нема да се двоуми брзо да одговори на каков било потенцијален напад.