Утрово во кафуле во Крапина во Хрватска се случи пукање.
Полициската управа Крапино-Загорје потврди дека маж (52) пукал и убил полицаец (52), кој во моментот на инцидентот не бил на должност. Потоа се застрелал и со хеликоптер бил префрлен во болницата Дубрава.
Загорје Интернешнл разговарал со сведок, келнер во кафулето, Доријан Шваљек, кој видел сè.
„Човекот влезе со пиштол, се сврте кон него и го застрела три пати, потоа излезе надвор и се застрела. Немаше никаква расправија, ништо… Тој само влезе во кафулето и пукаше“, рекол Шваљек, кој во тој момент брзо се скрил во магацин
Во тој момент во кафулето имало околу 15 луѓе, вели тој. Сите избегале во еден миг.
„Беше ужасно. Се криев во магацинот околу 10 минути, додека не пристигна полицијата“, додаде келнерот.
Неговата колешка Викторија Жижак во тој момент примала нарачка од убиениот човек.
„Го уби пред моите очи. Го застрела три пати без да каже ниту збор. Само го насочи пиштолот и пукаше. После тоа, ме погледна, а јас истрчав во магацинот“, вели таа.