Голем пожар го зафати селото Совеја во округот Вранча, Романија, при што околу 300 жители се евакуирани, а 32 домови се целосно уништени. Пожарот избувна во утринските часови, најверојатно поради пожар во оџак на куќата на постара жена, а за само неколку часа прерасна во катастрофа од големи размери.
Suntem alături de comunitatea din #Soveja.
32 gospodării au fost afectate de incendiul din Rucăreni. CJ Vrancea este la fața locului cu sprijin de urgență.
Punem Baza Salvamont Soveja la dispoziția familiilor care au rămas fără locuințe.
De astăzi intervenim cu 16 oameni și… pic.twitter.com/TBON889pe1
— Nicușor Halici (@nicusorhalici) April 27, 2026
Пожарот брзо се прошири поради силните ветрови. Мештаните велат дека куќите, претежно дрвени, се запалиле речиси истовремено.
– Искрите како да „скокаа“ од една куќа до друга. Не знаевме што прво да спасиме, рече еден жител.
На местото на настанот се повеќе од 200 пожарникари од шест окрузи, со десетици возила и опрема. Според портпаролот на ISU Вранац, Флорин Олару, во гаснењето на пожарот се вклучени 13 противпожарни возила со вода и пена, седум оперативни камиони, три минибуси за транспорт на персонал, како и две екипи на брзата помош на SMURD.
Поради стрес и губење на имот, четири лица доживеале напади на паника, но нема информации за сериозни повреди.
Евакуираните семејства се привремено сместени во селски пансиони и во базата на спасувачката служба Салвамонт. Најранливите селани, вклучувајќи ги старите лица и децата, се згрижени од соседите и роднините.
„Мораме да им помогнеме, не можеме да ги оставиме на улица. Бараме итни решенија за сместување“, рече градоначалникот на Совеја, Јонук Филимон.
За селаните од ова подрачје, трагедијата има дополнителна тежина, бидејќи ги потсетува на голем пожар пред 70 години, кога загинаа 17 лица, а речиси целото село, со околу 370 куќи, беше уништено. Тогаш, како и сега, јавните згради, вклучувајќи градинка и општински објекти, беа претворени во пепел.
Истрагата за причината за пожарот е во тек, додека властите ја проценуваат штетата и организираат помош за погодените семејства.