Бројот на работниците во индустријата во февруари годинава е намален за 3.4 % во однос на февруари лани, соопшти Државниот завод за статистика.
Во секторот Рударство и вадење камен намалувањето е 6.3 %, во секторот Преработувачка индустрија 3.4 %, а во секторот Снабдување со електрична енергија, гас, пареа и климатизација 0.4 %.
Според главните индустриски групи, бројот на работниците во индустријата во февруари 2026 година, се намалил во групите Енергија за 2.4 %, Капитални производи за 4.5 %, Нетрајни производи за широка потрошувачка за 4.1 % и Интермедијарни производи, освен енергија за 3.0 %, а се зголемил во групата Трајни производи за широка потрошувачка за 1.6 %.