Иранските сили директно нападнаа кувајтски танкер за нафта додека бил закотвен во пристаништето Дубаи во Обединетите Арапски Емирати, објави синоќа кувајтската државна новинска агенција, повикувајќи се на Кувајтската нафтена корпорација, пишува „Њујорк тајмс“.
Властите на Дубаи реагираа на инцидент во кој дрон удрил танкер, по што избувнал пожар во емиратските води, според прес-службата на владата на Дубаи. Никој од 24-те членови на екипажот не е повреден и тие се безбедни, се додава во соопштението. Морските противпожарни екипи го изгаснале пожарот, кој подоцна успеале да го стават под контрола.
Kuwait Petroleum Corporation:
The Kuwaiti supertanker "Al-Salmi" was targeted by Iranians.
Kuwait warns of the possibility of an oil spill in the waters after the targeting of the oil tanker "Al-Salmi".
Hearing the sound of an explosion in Kuwait.
The whistles are sounding in… pic.twitter.com/DIWPLlfGrF
— CaptainToxic Analytics (@Michael91387113) March 30, 2026
Кувајската нафтена корпорација наведува дека танкерот „Ал-Салми“ бил целосно натоварен во времето на нападот и бил погоден од иранските сили. Трупот на бродот бил оштетен, а пожарот и штетата можеле да предизвикаат излевање на нафта во околното море, предупредија тие. Преземени се мерки за спречување на еколошка штета.
Компанијата „Танкер Трекерс“, која го следи движењето на танкерите, објави дека на бродот имало околу два милиони барели сурова нафта, од кои околу 1,2 милиони биле од Саудиска Арабија и околу 800.000 од Кувајт. Тие исто така наведуваат дека танкерот завршил со товарење пред еден месец.
„Ал-Салми“ е огромен танкер долг речиси 335 метри, кој е изграден во 2011 година од јужнокорејската компанија „Даеву Шипбилдинг енд Марин Инженеринг“.
Иран сè уште не го објавил нападот. Во меѓувреме, кувајтската војска соопшти дека се соочува со непријателски ракетни и беспилотни летала.
‼️🇮🇷🔥Iran continues its hunt: Giant oil tanker on fire in Dubai
Tanker Al-Salmi was targeted by an Iranian attack at a mooring in the port of Dubai, Kuwait Petroleum Corporation reported.
It was fully loaded & fire broke & oil spill in surrounding waters
Watch the oil $ up ! https://t.co/qT4CdyVYwN
— 𝐃𝐚𝐯𝐢𝐝 𝐙 🇷🇺🇮🇪 (@SMO_VZ) March 31, 2026
Во петокот, Иран ја нападна воздухопловната база „Принц Султан“ во Саудиска Арабија, ранувајќи 12 американски војници, од кои двајца сериозно. Еден ден подоцна, беспилотни летала го погодија меѓународниот аеродром во Кувајт и оштетија радарски систем, соопштија властите. Во тие напади немаше жртви.
Нападите се дел од поширока серија напади врз Израел и земјите од Заливот во последните денови, што покажува дека Иран сè уште има доволно ракети и беспилотни летала за да го дестабилизира регионот и да им нанесе сериозни загуби на своите противници, објави „Њујорк тајмс“.
Нападот врз танкерите доаѓа во време кога сообраќајот низ Ормутскиот теснец е практично запрен поради иранските одмазднички напади врз комерцијални бродови.
Помалку од 150 танкери поминале низ теснецот во март, според S&P Market Intelligence. Околу 140 бродови поминуваат низ клучниот воден пат секој ден, според UK Marine Trade Operations.
Организацијата соопшти во понеделник дека добила 24 извештаи за сомнителни инциденти со бродови во Персискиот Залив, Ормутскиот теснец и Оманскиот Залив од 28 февруари, кога САД и Израел започнаа напади врз Иран.