Разузнавачката служба на Иранската револуционерна гарда денес објави во соопштение дека се уапсени, како што наведува, „178 предавници и платеници на американско-ционистичкиот режим од почетокот на војната“.
ИРГК тврди дека овие притвореници им ги откриле локациите на центрите и контролните пунктови на Црвената полумесечина на непријателските разузнавачки служби.
Во соопштението се наведува дека се уапсени и неколку странски државјани, од кои е запленета воена и техничка опрема, вклучувајќи оружје, уреди за навигација, специјална комуникациска опрема и голема количина странска валута.