На новинарско прашање, претседателот на СДСМ, Венко Филипче, рече дека Петре Шилегов одработува за ВМРО и за внатрешна поделба на партијата.
„Овде не станува збор за туѓо и поинакво мислење, поради тоа што и тоа мислење беше сослушано. Тука станува збор за процесно одработување за ВМРО-ДПМНЕ и за внатрешна поделба на партијата. После сите наши проверки на информации стигнавме до тој заклучок. Извршниот одбор таа одлука ја донесе со консензус, никој не гласаше против“, рече Филипче.
Тој нагласи дека единството на партијата е клучно за борбата против корупцијата и криминалот на ВМРО како и за одржување на демократските вредности. „Јас нема да дозволам да ја делат СДСМ понатаму затоа што имаме работа со криминална и корумпирана власт која ништо не може да го направи да го спречи падот на анкетите којшто е евидентен. Веројатно вие ги имате на тие анкети, на коишто ваков пад на ВМРО-ДПМНЕ до сега немало, а ние имаме раст. Единствено нешто што може да прават е да ја делат партијата внатре и така да не ситнат за да владеат така како што сакаат да владеат. Ние тоа нема да го дозволиме. Нема да дозволам, ќе повторам, ВМРО-ДПМНЕ преку разни поединците да ја ситни и да ја дели оваа партија“, рече Филиче.