Иран денес објави дека избрал нов врховен лидер, и иако неговото име е сè уште непознато, американскиот претседател Доналд Трамп изјави дека новиот лидер „нема да трае долго“ ако прво не добие одобрение, пишува ABC News.
„Тој ќе мора да добие наше одобрение“, изјави претседателот за ABC News.
– Ако не добие наше одобрение, нема да трае долго. Сакаме да бидеме сигурни дека нема да мора да се враќаме на ова на секои 10 години, кога нема претседател како мене кој е подготвен да се справи со тоа, рече Трамп.
Тој додаде: „Не сакам луѓето да мора да се враќаат за пет години и повторно да го прават истото, или уште полошо, да им дозволат да добијат нуклеарно оружје.“