Израелското бомбардирање на Техеран продолжи утрово, а Иран го започна и 19-тиот бран од операцијата „Вистинско ветување 4“ со ноќни напади врз израелски и американски цели.
Иранската војска соопшти дека преку ноќ лансираше неколку дронови „Араш“ со долг дострел, насочувајќи ги кон резервоарите за гориво во воздухопловната база Рамат Давид во Израел.
Државната новинска агенција Фарс објави дека силите на Корпусот на Исламската револуционерна гарда (ИРГЦ) погодија американски танкер за нафта во северниот дел на Персискиот Залив, предизвикувајќи пожар на бродот. ИРГЦ во соопштението наведува дека Ормутскиот теснец ќе биде под иранска контрола за време на војната.